LevizAlbania zhvilloi ceremoninë e shpalljes së projekteve fituese të Thirrjes për Aplikime Nr.8 dhe Granteve Strategjike të shpalluara fituese nga Thirrja Nr.2 e këtij instrumenti.

E kthyer tashmë në një traditë, edhe këtë vit ceremonia e shpalljes së projekteve mblodhi aktorë të shoqërisë civile, aktivistë, konsorciumin e projektit LevizAlbania, përfaqësuesit e Agjencisë Zvicerane për Zhvillim dhe Bashkëpunim SDC dhe Ambasadës Zvicerane.

Përfituesit kryesorë, ishin ata që sollën për të pranishmit nevojën dhe rëndësinë e nismave si ato të mbështetura nga LevizAlbania nëpërmjet thirrjes për Aplikime Nr.8.

LEXO DHE: Projektet fituese të Thirrjes për Aplikime Nr.8 të LevizAlbania

Në fjalën e saj, Drejtoresha Ekzekutive e “Partnerët Shqipëri për Ndryshim dhe Zhvillim” Znj. Juliana Hoxha, në emer të konsorciumit të LevizAlbania i uroi sukses fituesve të LevizALbania. “Ne jemi shumë të kënaqur me këtë thirrjes, pasi edhe pse janë 23 projekte fituese përmes tyre do të mbulohen 29 bashki me aktivitete advokuese, ndërgjegjësuese, pasi ka projekte që do të punojnë në më shumë se një bashki. Ajo që është për tu vlerësuar pasi do të kemi mundësi të shkojmë në bashki të vogla, si Libohovë; Gjirokastër; Krujë; Delvinë; Shijak; Dropull; Këlcyrë; Memaliaj; Ura Vajgurore; Selenicë; Konispol dhe Finiq. Është për tu vlerësuar që në këtë thirrje në vijojmë të mbështesisim iniciatiava që shkojnë në mështetje të grupeve vulnerabël, të atyre që kanë më shumë nevojë për mbështetjen e komunitetit“, u shpreh Znj. Hoxha.

Ndërsa Znj. Erisa Lame, Oficere Programi për Çështjet Politike dhe Demokracinë në Ambasadën, në fjalën e saj përgëzoi organizatat, individët dhe grupimet informale për angazhimin në kuadër të forcimit të demokracisë vendore. “Qeveria Zvicerane është shumë e lumtur që mbështet nismat tuaja, angazhim që shkon në forcimin edhe më shumë të demokracisë vendore. Unë dua t‘ju përgëzoj për idetë tuaja inovatore të cilat do ti japin një hov të madh aktivizmit qytetar në vendin tonë. Shpresojmë që puna dhe arritjet tuaja të frymëzojnë edhe më shumë qytetarë të tjerë për tu angazhuar si aktivistë dhe aktorë ndryshimi në komunitetet e tyre“, u shpreh znj. Lame.

Gjatë kësaj cermonia u prezantuan edhe projektet strategjike të shpalluara fituese nga Thirrja për Aplikime Nr.2 e këtij instrumenti që LevizAlbania ka nisur të implementojë gjatë fazës së dytë të zbatimit të projektit. Projektet strategjike në fjalë në themelin e tyre kanë si objektiv kryesorë krijimin dhe mbështetjen e rrjetëzimit midis organizatave të shoqërisë civile në nivel kombëtar duke adresuar përmes një qasje strategjike problematika që lidhen me mjedisin, ndotjen akustike dhe median.

LevizAlbania, projekti i Agjencisë Zvicerane për Zhvillim dhe Bashkëpunim SDC, që zbatohet nga konsorciumi I tre organizatave të suksesshme shqiptare si Fondacioni Shoqëria e Hapur për Shqipërinë, Parterët Shqipëri për Ndryshim dhe Zhvillim dhe Co-PLAN, që prej 2015 është angazhuar në mbështetjen e aktorëve të shoqërisë civiele, por edhe të individëve dhe grupimeve informale të cilat janë të angazhuar në kërkim të forcimit të demokracisë vendore, përmirësimit të qeverisjes lokale, rritjen e llogaridhënies, transparencës dhe përfshirjes qytetare në proceset e qeverisjes vendore.

LevizAlbania – Dedikuar Demokracisë Vendore