Arsyetimi i Propozimit:

Komuniteti i njerezve qe nuk degjojne në Shqipëri përballet me vështirësi për të marrë pjesë plotësisht në jetën e shoqërisë për shkak të barrierave të shumta, kryesisht te aksesit ne informacion ne gjuhën e shenjave shqipe. Përmes  sigurimit të përditshëm të aksesit në informacion dhe delegimit të nevojave të tyre jetësore të shkaktuara nga situata e pandemisë COVID-19, projekti do të informojë dhe ndërgjegjësojë këtë komunitet me njohuri mbi: masat parandaluese, mbrojtëse ndaj COVID, kujdesin shëndetësor  dhe do të përmirësojë jetën e tyre ekonomike, shëndetësore,  masat rreth rrikthimit në normalitet .Projekti do të kontribuojë në  fuqizimin e një grupi të qëndrueshëm aktivistësh që nuk dëgjojnë  duke nxitur vullnetarizmin dhe solidaritetin mes tyre ndaj situatave të fatkeqësive natyrore.Ndërhyrjet e propozuara janë në përputhje me synimet e përgjithshme të Thirrjes “Reagimi I Shpejtë” në lidhje me angazhimet në mënyrë proactive të organizatave , për të identifikuar, informuar dhe mbështetur grupet vulnerabël të përballen me sfidat, që kanë lindur për shkak të situates COVID-19.

Qëllimi dhe objektivat specifike:

Qëllimi i projektit:

• Ngritja për herë të parë e modeleve efektive të shërbimit të interpretimit nëpërmjet “video call” në Shqiperi pranë njësive të qeverisjes vendore për parandalimin e diskriminimit social, ekonomik dhe shëndetësor të njerëzve që nuk dëgjojnë.

Objektivi specifik 1

• Sigurimi i informacionit ditor në gjuhen e shenjave shqipe duke mundësuar informimin dhe ndërgjegjësimin e komunitetit për përballimin e situatës. 

Objektivi specifik 2

• Ofrimi i shërbimeve online të interpretimit, duke mundësuar permiresimin e jetës së përditshme, rritjen  e ndërgjegjësimit për shërbime të aksesueshme dhe largimin e barrierave sociale dhe ekonomike gjatë pandemisë COVID-19. 

Aktivitetet kryesore:     

• Interpretimi në gjuhën e shenjave të informacionit të përditësuar rreth COVID - 19 dhe materialeve të ndërgjegjësimit të kujdesit shëndetësor.
• Shërbime interpretimi nëpërmjet “video call” me komunitetin e njerëzve që nuk dëgjojnë,për të vlerësuar nevojat e tyre shëndetësore, ekonomike, duke kontaktuar institucionet përgjegjëse për zgjidhjen e tyre në shërbimin 24 orë.
• Rezultatet e pritshme:
• 200 video informuese dhe ndergjegjesuese rreth pandemisë COVID-19 kanë rritur shkallën e informimit të komunitetit publikimit në  rrjetin social Facebook  të ANAD.
• 500 persona qe nuk degjojne kane përmirësuar jetën e tyre nëpërmjet shërbimeve të interpretimit  sipas nevojave te tyre.

Përfituesit kryesorë:

• Persona që nuk dëgjojnë, Familjarët e tyre