Aplikanti:

Together for Life

Titulli i propozimit:

“Lëviz për kopshtin tim”

Përmbledhje e Propozimit:

Shërbimi i kopshteve në Tiranë përballet me problematika të shumta, si: mbipopullimi; shpërndarja e pabarabartë, mosrespektim i standarteve të infrastrukturës fizike, të sigurisë dhe higjienës,etj. Sipas QEZHEF/Bashkia Tiranë, në qytet funksionojnë  44 kopshte (Këtu përfshihen edhe 23 kopshtet e projektit "Adopto një kopsht"). Banorët vazhdojnë të kërkojnë kopshte fëmijësh, sidomos në periferi. Prej janarit 2016, Bashkia Tiranë mbledh taksën e përkohshme për infrastrukturën mësimore, shpenzimi i të cilës duhet monitoruar dhe bërë transparent. Qytetarët duhet të konsultohen lidhur me investimet dhe vendimmarrjet për çdo ndërhyrje në përmirësimin e këtij shërbimi.Projekti synon të realizojë monitorimin e situatës aktuale të kopshteve dhe investimeve të Bashkisë me qëllim përmirësimin e shërbimit në kopshte. Gjithashtu do të synohet rritja  e informimit dhe përfshirjes së mediave dhe qytetarëve për të mbajtur   Bashkinë e Tiranës të përgjegjshme ndaj shërbimeve për komunitetin. 

Qëllimi dhe Objektivat:

Qëllimi:

Të kryejë një monitorim të infrastrukturës dhe investimeve të 44 kopshteve të Tiranës  për një periudhë 12 mujore, me qëllim informimin e qytetarëve dhe medias për të nxitur përgjegjshmërinëdhe transparencën e pushtetit vendor për përmirësimin e cilësisë së shërbimit në kopshtet e bashkisë Tiranë.

 Objektivat:

·         Të hartojë një raport të detajuar statistikor  të gjetjeve gjatë procesit të monitorimit të 44 kopshteve në bashkinëe Tiranës.

·         Të rrisë informimin e qytetarëve të Tiranës përmes publikimevenë media.

·         Të nxisë angazhimin e qytetarëve për të ushtruar kontroll mbi vendimmarrjet dhe proceset këshillimore të Bashkisë së Tiranës përmes organizimit të 5 forumeve komunitare dhe daljes me rekomandime për Këshillin Bashkiak.

Aktivitetet kryesore:

1: Hapja e kategorisë “ Lëviz për Kopshtin  tim” në portalin "shendeti.com.al”

2: Hapja dhe administrimi në FB e fanpage “Kopshti im”

Projekti do të këtë një faqe FB, i lidhur me kategorinë  “Lëviz për Kopshtin tim”.

3 : Hartimi i moduleve të monitorimit të kopshteve.

4: Trajnim i 10 gazetarëve të cilët do të monitorojnë situatën në kopshte.

5: Monitorimi dhe vëzhgimi i 44 kopshteve të Tiranës.

6: Hartimi i pyetësorit për anketimin e perceptimit të prindërve

7 Trajnim i anketuesve

8: Anketimi i kampionit të prindërve

9: Mbledhja dhe përpunimi i të dhënave statistikore dhe gjetjeve nga procesi i monitorimit.

10: Mbledhja dhe përpunimi i të dhënave nga procesi i anketimeve

11: Publikime në median vizive, median e shkruar dhe online

12: Organizimi i 4 forumeve komunitare

13:  Hartimi i një raporti përfundimtar me gjetjet nga procesi.

14: Organizimi i një forumi komunitar me pjesëmarrjen e përfaqësuesve të Bashkisë së Tiranës, Këshillit Bashkiak dhe deputetëve të Tiranës për prezantimin e rezultateve të arritura.

15: Advokim/lobim me anëtarë të këshillit Bashkiak për të bërë pjesë të agjendës së Këshillit Bashkiak

16: Publikime në median vizive, median e shkruar dhe online

Rezultatet e pritshme

·         1 raport i gjetjeve të analizës së situatës

·         5 forume komunitare me përfitues 250 prindër

·         1320 prindër të anketuar për shërbimin e kopshteve

·         10 gazetarë të trajnuar për të raportuar/investiguar problematikat e marrëdhënieve pushtet vendor/qytetarë

·         10 artikuj në median e shkruar dhe online

·         10 kronika televizive

·         3 investigime

·         1listë me rekomandime  e futur në axhendën e një mbledhjeje të Këshillit Bashkiak

Përfituesit kryesorë

Fëmijët e Tiranës 3-6 vjeç, Qytetarët e Tiranës; Mediat

Kohëzgjatja e projektit (muaj)

12 muaj

Zona e zbatimit të propozimit

Bashkia eTiranës (Njësitë Administrative Tirana 1- Tirana 11).