Arsyetimi i Propozimit (i përmbledhur)

Propozimi ka për qëllim mbështetjen e zbatimit të politikave për mbrojtjen e konsumatorit në nivel vendor duke ndërthurrur ekspertizën teknike e ndërgjegjësimin/aktivizimin qytetar në kërkimin e të drejtave, si konsumator. Ndërgjegjësimi/Aktivizimi përfshin edhe gazetarët dhe OSHC në rritjen e dijes e llogaridhënies ndaj bashkive. Ekspertiza teknike e shprehur në disa produkte dhe fushata mediatike e organizuar për promovimin dhe ndërgjegjësimin qytetar do realizojë rritjen e pjesëmarrjes qytetare në vendim-marrje e rritjen e llogaridhënies ndaj bashkisë për të përmbushur detyrimet në kuadër të të drejtave konsumatore.

Qëllimi dhe objektivat specifike

Qëllimi: Të mbështesë zbatimin e politikave e legjislacionit për mbrojtjen e konsumatorit në nivel vendor për të arritur një cilësi më të mirë të jetesës për të gjithë qytetarët.

Objektivat specifikë të propozimit janë:

1.Advokimi për përmirësimin e kapaciteteve të bashkive/institucioneve të tjera dhe reagimin e tyre për zbatimin e legjislacionit për mbrojtjen e konsumatorit vendor;

2.Rritja e ndërgjegjësimit qytetarë, që të kenë kuptim të qartë e efikas të të drejtave të tyre, si konsumatorë e të nxiten të reagojnë kundrejt bashkive për të mbrojtur e përmbushur të drejtat e tyre;

3.Përmirësojë kapacitetet e OSHC-ve dhe medias në nivel vendor për të ndikuar në hartimin, monitorimin e vlerësimin e politikave dhe ofrimin e shërbimeve për konsumatorët.

Aktivitetet kryesore

1. Metodologjia e Indeksit të Konsumatorit Vendor.
2. Pasaportat e 61 bashkive për performancën e tyre.
3. Tryezë me përfaqësues nga bashkitë, AMVV, KKQVQ, MFE, AKU, KMK, IShMT, ERRU.
4. Sondazhi online për vlerësimin e njohurive/informacionin.
5. Fushata mediatike “Konsumatori vendor”.
6. Takime me përfaqësuesit e organizatave jofitimprurëse të shoqërisë civile.
7. Trajnimi i 20 gazetarëve e 70 përfaqësuesve të shoqërisë civile.
8. Hapja e një ZMK në bashki.
9. Manuali “Konsumatori Vendor Reagon!”.
10. Raporti për Indeksin e Konsumatorit Vendor.
11. Tryeza përmbyllëse.

Rezultatet e pritshme

1.Përgatitja për herë të parë në Shqipëri e një sistemi renditje e vlerësimi krahasues me pikë mbi problematikat e arritjet për secilën bashki në mbrojtjen e konsumatorit. IKV do përdoret nga MFE në hartimin e Strategjisë së re për Konsumatorin në 2020. Hapja e të paktën një ZMK në bashkitë që nuk e kanë.

2.Ndërgjegjësimi i duhur i qytetarëve e numri i rritur i tyre të informuar për mbrojtjen e të drejtave, si konsumator.

3.Kapacitete të OShC-ve dhe medias të përmirësuara në monitorimin e politikave dhe shërbimet, në lidhje me të drejtat e konsumatorit. IKV do i shërbejë organizatave që veprojnë në mbrojtjen e konsumatorëve për llogaridhënie ndaj bashkive e për një qeverisje më të mirë vendore.

4. Ngritjen e një rrjeti OSHC-së të aftë për të reaguar për mbrojtjen e konsumatorëve dhe aktivizimin e qytetarëve.

5.Advokim për rritjen e kapaciteteve të institucioneve shtetërore që veprojnë në kuadër të mbrojtjes konsumatore.

Përfituesit kryesorë

Qytetarët; Përfaqësues të shoqërisë civile; Përfaqësuesit e bashkive; gazetarë.