Arsyetimi i Propozimit (i përmbledhur)

Sipas Institutit të Statistikave, rezulton se vetëm në muajt janar-gusht 2019, në Durrës janë shënuar 83 aksidente dhe si pasojë 16 persona kanë humbur jetën. Një pjesë e këtyre aksidenteve ka lënë si viktima përdoruesit e biçikletës në qytet. Aksidentet e shumta me lëndime të lehta shpesh nuk raportohen në polici. Qyteti i Durrësit ka sot vetëm dy rrugë të pajisura me pista biçikletash. Ky projekt synon nxitjen e qytetarëve për adresimin e problemit tek pushteti vendor dhe marrjen e masave të menjëherëshme për shtimin e pistave të biçikletave dhe vendosjen e sinjalistikës së nevojshme. Projekti do nxjerr në pah mungesën e një planifikimi urbanistik për lëvizjen me biçikleta në qytet, që lë shteg për abuzimim gjatë rikonstruksionit të rrugëve. Krijimi i një harte me propozime konkrete do të ndihmonte në identifikimin e rrugëve që kanë nevojë urgjente për ndërhyrje, duke ruajtur biçiklistët. Përmes advokimit do të kërkohet që në rrugët apo blloqet e banimit që do të rikonstruktohen apo rindërtohen pas tërmetit, të përfshihen pistat e biçikletave.  

Qëllimi dhe objektivat specifike

Qëllimi: Advokimi për rritjen e numrit të pistave (korsive) të biçikletave, propozimi i një harte me rrugët ku duhet ndërhyrë dhe nënshkrimi i një “Marrëveshje Mirëkuptimi” me bashkinë Durrës për ndërtimin e pistave dhe integrimin në projektet e rindërtimit pas tërmetit.

Objektivat specifikë:

§  Monitorimi i investimeve infrastrukturore të bashkisë Durrës në 5 vitet e fundit, në raport me investimet për pistat e biçikletave;

§  Anketim online me përdoruesit e biçikletës, qytetarët dhe bizneset, për rrugët që e kanë emergjente pajisjen me pistë biçikletash;

§  Krijimi i një harte dhe studimi me propozime konkrete për rrugët ku duhet ndërhyrë për ndërtimin e pistave të biçikletave dhe nënshkrimi i një “Marrëveshje Mirëkuptimi” me bashkinë Durrës, për zbatimin e propozimeve;

§  Nxitja e aktivizmit qytetar përmes pedalimeve, peticionit për adresimin tek pushteti vendor të mungesës së pistave për biçikleta.

Aktivitetet kryesore

§  Analizimi i investimeve, për vlerën, projektin e zbatuar dhe raportin me pistat e biçikletave;

§  Krijmi i 3 video-dokumentarëve; Shkrimi i 15 lajmeve;

§  Krijimi dhe dorëzimi i një peticioni;

§  Ndërgjegjësimin e qytetarëve përmes “biçikletës lëvizëse” dhe pedalimeve;

§  Krijimi i një projekt-propozimi, shoqëruar me hartë për rrugët ku duhet ndërhyrë urgjentisht për ndërtimin e pistave të biçikletave dhe integrimi i tyre në projektet e rindërtimit pas tërmetit;

§  Nënshkrimi i një “Marrëveshjeje Mirëkuptimi” midis bashkisë Durrës dhe “Bicycle Durrës”, për zbatimin e propozimeve (studimit dhe hartës) dhe zotimit të përfshirjes së pistës së biçikletave në çdo projekt të ri infrastrukturor apo rikonstruksion, specifikisht ndërhyrjet pas tërmetit.

Rezultatet e pritshme

§  Matja shkencore (me anë të anketimit) të nevojave të qytetarëve dhe bizneseve për pistat e biçikletave;

§  Krijimi i një projekti me propozime konkrete (studim dhe hartë) për rrugët që qytetarët dhe ekspertët evidentuan si të nevojshme, për ndërhyrje emergjente për ndërtimin e pistave çiklistike;

§  Nënshkrimi me bashkinë i një “Marrëveshje Mirëkuptimi”, dokument afatgjatë që mbron dhe garanton të drejtat e biçiklistëve në qytet;

§  Dorëzimi i një peticioni që përfaqëson nevojat e përdoruesve të biçikletës në qytet;

§  Investigimi me mjete mediatike për transparencën në investime,

numri i aksidenteve të lehta dhe atyre me pasojë jetën, ku janë përfshirë përdoruesit e biçikletave në qytet.

Përfituesit kryesorë

Rreth 70.000 banorë, më specifikisht përdoruesit e biçikletës.