Arsyetimi i Propozimit (i përmbledhur)

Instrumenti buxhetim.al mundeson pjesemarrjen direkte te qytetareve ne hartimin e buxhetit te bashkise se tyre. Me ane te ketij projekti, ne synojme te ndertojme mbi suksesin e zbatimit te platformes (fillimisht ne 3 bashki e me pas ne 23) duke e shtrire dhe konsoliduar perdorimin e saj ne te gjitha bashkite e vendit.

Qëllimi dhe objektivat specifike

Qëllimi kryesor është rritja e ndikimit direkt të qytetarëve në hartimin e buxhetit të bashkive.

Objektivat janë:

1. Rikonfigurimi i platformës online për buxhetimin me pjesëmarrje, duke ndërtuar dhe bërë funksionale pjesën e 38 bashkive të reja, si dhe përditësimi për 23 ekzistueset për buxhetin 2021;

2. Rritje e pjesëmarrjes së qytetarëve (sidomos të rinjve) në buxhetimin vendor.

Aktivitetet kryesore

Identifikimi i grupeve/OJQ-ve në secilën Bashki; Ndërtimi i aplikacionit dhe shtrirja në 61 bashki; Trajnimi i koordinatorëve/grupeve për përdorimin dhe promovimin e aplikacionit; Grumbullimi dhe analizimi i të dhënave; Hartimi i raporteve mbi gjetjet dhe rezultatet përfundimtare për secilën Bashki.

Rezultatet e pritshme

1. Pajisje e organizatave me aksesin dhe kontrollin e instrumentit online dhe aksesin e plotë në përdorim;

2. Qytetarë (e sidomos te rinjtë dhe te rejat) më shumë të informuar dhe të angazhuar në planfikimin e buxhetit vendor në të gjithë vendin;

3. Një numër në rritje i përdorimit të aplikacionit deri në miratimin e buxhetit në gjith bashkitë, me një pritshmëri prej 50.000 përdorimesh (votim/shprehje mendimi individual), në total në te gjitha bashkite para hartimit të buxhetit;

Përfituesit kryesorë

Qytetarët e 61 bashkive ne teresi, nga permiresimi i alokimit te buxhetit, por edhe grupet e interesit, organizatat e shoqërisë civile, të rinjtë dhe institucionet e angazhuara.